‘اگر آج عمران واپس آجائے تو اتنا روپیہ جمع کرینگے کہ پاکستان کو ہر مشکل سے نکال سکیں’بڑا دعویٰ سامنے آگیا

کراچی(ویب ڈیسک) پاکستان کی سینئر اداکارہ ثمینہ پیرزادہ نے ملکی صورتحال کے پیشِ نظر سابق وزیر اعظم عمران خان کو امید کی کرن قرار دیا ہے۔ ثمینہ پیرزادہ ان فنکاروں میں شامل ہیں جو عمران خان کے ساتھ پہلے دن سے کھڑے ہیں اور ان کے لیے سماجی رابطے کی ویب سائٹس پر تواتر سے پیغامات بھی شیئر کرتے ہیں۔ اب اداکارہ نے اپنی ایک ٹوئٹ میں عمران خان کو ملکی صورتحال کے لیے بہترین انتخاب قرار دیا ہے۔ انہوں نے اپنے پیغام میں لکھا کہ ‘اگر آج عمران خان واپس آجاتا ہے تو مجھے یقین ہے پورے پاکستان سے اور پوری دنیا سے پاکستانی اتنا روپیہ جمع کریں گے کہ پاکستان کو ہر مشکل سے نکال سکیں’۔ ثمینہ پیرزادہ نے مزید لکھا کہ ‘اتنا بھروسہ ہے ہمیں کپتان کی ایمانداری پر’۔ اداکارہ کی یہ ٹوئٹ سوشل میڈیا پلیٹ فارمز پر وائرل ہوئی تو صارفین کی جانب سے اس پر ملے جلے ردعمل کا اظہار کیا گیا۔

Leave a Reply

Your email address will not be published. Required fields are marked *