’’ میری بیٹی نہایت ہی جھوٹی انسان ہے کیونکہ ۔۔‘‘ماہرہ خان کی والدہ نے لائیو شو میں ایسی بات کہہ دی کہ اداکارہ نے سرپکڑ لیا، شرکاء بھی دنگ رہ گئے

اسلام آباد(نیوز ڈیسک) نامور اداکارہ ماہرہ خان جس سے کون نہیں جنتا ہے۔ جنہوں نے راتوں رات کامیابی حاصل کی، گزشتہ روز ایک پروگرام میں ان کے والدہ کی شاندار حس مزاح نے نہ صرف ماہرہ کے مداحوں کو خوشگوار حیرت میں مبتلا کردیا ہے۔ بلکہ ان کے لائیو شو میں بے لاگ تبصروں پر خود ماہرہ بھی سر تھام کر رہ گئیں۔

قصہ کچھ یوں تھا، کہ اے آر وائی کے معروف ٖپروگرام جیتو پاکستان کے میزبان فہد مصطفیٰ نے سونے کے ڈبے کھلوانے کے سیگمنٹ کے دوران ماہرہ خان کی والدہ محترمہ کو ٹیلی فون پر لائیو لے لیا۔ اور ان سے کچھ سوال کیے فہد کی اس پیشکش نے جہاں شو کا سسپنس بڑھا دیا، وہی ماہرہ جو کہ مہمان تھیں وہ بھی حیرا ن رہ گئیں۔ فہد نے انہیں خوش آمدید کہتے ہوئے سوال کیا، کہ عدنان صدیقی شو میں کیا غلط کررہے ہیں؟ جس پر ماہرہ کی والدہ نے جواب دیا۔ کہ یہ تو مجھے نہیں پتہ لیکن میری بیٹی نہایت ہی کنفیوز انسان ہے۔ ماہرہ کی والدہ کے اس جملے پر جہاں شو میں قہقہے بکھرے وہی ماہرہ چکرا کر رہ گئیں۔ ان کے ردعمل نے شو کی رونق کو مزید بڑھا دیا۔ ماہرہ کی والدہ نے بس اسی پر اکتفا نہیں کیا، بلکہ انہوں نے مزید کہا کہ میں نے کبھی کچھ نہیں کہا آپ کے بارے، یہ جھوٹ بول رہی ہے، یہ نہایت جھوٹی انسان ہے اور بہت کنفیوز ہے۔ اس پر عدنان صدیقی نے کہا “آنٹی آج آپ نے میرا دن شاندار بنادیا۔ اسی دوران فہد مصطفٰی نے سینیر صحافی وسیم بادامی سے متعلق ماہرہ کی والدہ سے رائے لی۔ تو انہوں نے کہا یہ تو بہت ہی عظیم ہیں اور ان کے پسندیدہ شخص ہیں۔ جس پر وسیم عاجزی سے شکریہ اداکرتے دکھائی دیئے۔ فہد نے سونے کے ڈبے کے حوالے سے سوال کیا تو انہیں نے معصومیت سے کہاانہیں نہیں پتہ وہ بس اتنا کہیں گی کہ آپ سب جیتے رہو، اس کے ساتھ ہی انہوں نے اجازت طلب کرلی۔ان سارے لمحات سے جہاں ناظرین بہت محظوظ ہوئے وہیں ماہرہ کے بدلتے حیران کن تیور صورتحال کو مزید دلچسپ بناتے رہے۔ ناظرین نے خوب لطف اٹھایا۔

Leave a Reply

Your email address will not be published. Required fields are marked *